ابراهيم بن محمد
يتكرر علي سؤال كيف حفظت القرآن ؟
وعشان ما أشتت تفكيركم .. جمعت لكم أفكار تحت هذي التغريدة وجداول راح تساعدك كثير في شغلة الحفظ ، ولو مو حفظ راح تساعدك في تلاوة القرآن وتحسين وجودة تلاوتك وحصولك على المعاني الموجودة فيه ♥️ .
فضل التغريدة وتابع معي :
خلونا نبدأ من الصفر ..
ونقول أنت شخص ما تحفظ من القرآن شئ أبدًا أبدًا ..
لازم تعرف ان حفظ القرآن ما يطلب منك السرعة في الانجاز .. عادي مرة تطول المدة بس المهم انك تحفظ وتتعاهد نفسك بالقرآن 👍🏽 .
طيب تمام ... شوف معاي خطوة خطوة ♥️
١ - خليك في مجموعة تساعدك وتعينك على الحفظ لما تكسل تشدون بعض 👍🏽 .
٢- تذكر أن هذا الكتاب اللي بين يدينك هو الكتاب المقدس للمسلمين ، وهو المصحف الشريف وهو القرآن العظيم .. اللي أعزنا الله به ، عيش شعور هذي العظمة ♥️ .
٣- امش على الجدول التالي ، واحفظ يوميًا صفحة .. بأشرح لكم 🙏🏻
الأرقام تعبّر عن الأيام
مثلًا : 01 يعني اليوم الأول و 24 يعني اليوم رقم ٢٤ وهكذا .
عدد أيام الأسبوع ٧
نحفظ ٦ أوجه في الأسبوع ، يعني يوميًا وجه ..
وفي اليوم السابع تراجع الـ ٦ أوجه هذي ♥️
وبعدها تكمّل ، وبعد ما تخلص ٢٥ وجه تراجعها كلها في اليوم رقم ٢٥ 👍🏽
" يفضّل طباعة الجدول "
في الصورة الماضية ، تم تقسيم الجدول على ١٠٠ يوم ، و ١٠٠ وجه من المصحف 👍🏽🖤 .
بأقل مجهود تقدر تحفظ وتنبسط .. لو قلنا بعد كل صلاة تحفظ آية راح تقدر تحفظ في نهاية يومك وجه بالراحة بدون ما تحس 🙏🏻 . بعد كذا يبدأ معاك اليوم رقم 101 ، وتبدأ من صفحة ١٠١ وتمشي بنفس الطريقة الخفيفة .. ولما تخلص ١٠٠ يوم تراجع اللي حفظته بالضبط نفس ما في الجدول ♥️ .
الـ 100 يوم التالية ...
• جدول يشمل بداية اليوم رقم 201 - 300 + المراجعة .
لما توصل هنا ، هذا معناه انك حفظت نصف القرآن بسهووووولة .. صح الوقت طويل بس انت حفظت 😍♥️👍🏽 .
• هنا في الجدول هذا تاخذ لك اسبوع مراجعة وراحة 👍🏽 .
بعدين تبدأ في حفظ النصف الثاني بنفس الطريقة 🙏🏻 .
• جدول يشمل من يوم 305 - 404 + جدول المراجعة 👍🏽 .
• جدول يشمل من يوم 405 - 504 + جدول المراجعة 👍🏽 .
جدول يشمل من يوم 505 - 604 + جدول للمراجعة 👍🏽♥️♥️♥️♥️ .
لو وصلت الى هنا ، هذا يعني انت حفظت القرآن كامل ♥️♥️♥️♥️ .
راح ياخذ منك تقريبًا ٧٥٠ يوم .. ممكن تشوفها كثير ، بس ترى ما يهم طول الوقت بكثر ما يهم انك تعيش مع القرآن يوميًا .. يعني صفحة يوميًا ما راح تاخذ منك شئ 👌🏻 .
⚪️⚪️⚪️⚪️⚪️⚪️⚪️⚪️⚪️⚪️⚪️⚪️
طيب الحين خلصنا من الجدول الخفيف للشخص اللي تو يبدأ في مشوار الحفظ ومشوار السعادة .. ♥️ .
⚪️⚪️⚪️⚪️⚪️⚪️⚪️⚪️⚪️⚪️⚪️⚪️
الحين راح أتكلم عن الشخص اللي حافظ القرآن ويحتاج إلى تثبيت 👍🏽 .
١- أنت اللي تعرف مدى حفظك ومدى تمكنك .. يعني لو كنت مضيع منه كثير مرة حاول تخفف من مقدار المراجعة ، ولو كنت متمكن بس تحتاج تثبت .. حاول تكثف الكمية وتكرر كثير .
٢- صاحب ناس حفّاظ عشان تعينون بعض ♥️👍🏽
٣- شارك في برامج وحلقات التحفيظ الموسمية ، مثل البرامج المكثفة في الصيفيات 👍🏽 .
٤- صل النوافل وصلواتك السرية من حفظك وحاول تنوع .
٥- تذكر بركة الشئ العظيم اللي حفظته ♥️
عن نفسي ماشي حاليًا على جدول جدًا مريح ، وما يقطعني عن حياتي .. بحيث اعيش مبسوط واسوي جميع الاشياء في حياتي وبنفس الوقت اراجع .
• راجع يوميًا ربع حزب بمعنى وجهين ونصف ( لغير المتمكن )
• راجع يوميًا نصف حسب بمعنى خمسة أوجه ( للمتمكن نسبيًا )
• راجع يوميًا حزب كامل ( للمتمكن )
⚪️ بعد ما تنهي من كل ثلاثة أجزاء ارجع وراجعهم من جديد لمدة يومين .
⚪️ وبعد ما تنتهي من ١٠ أجزاء ارجع وراجعهم من جديد ولا تنسى كل ثلاثة أجزاء مراجعة .
⚪️ نصف المصحف وقف وراجع لمدة ٥ أيام .. كل يوم ثلاثة أجزاء
ولا تتوقف أبدًا عن المراجعة لأن القرآن يتفلّت جدًا ♥️♥️♥️
في الأخير عندنا سالفة ضبط القرآن + الحصول على معاني القرآن 🖤 .
• ضبط القرآن :
السماع ثم السماع ثم السماع وتحريك الشفاة مع القارئ المتقن ، ومنهم :
- محمود الحصري
- محمد المنشاوي
- عبدالله بصفر
- علي الحذيفي
أخيرًا ، سالفة الحصول على معاني القرآن ♥️ .
وهي من أمتع الأشياء اللي راح تغير حياتك جذريًا .
لازم نعرف الفرق اول حاجة بين التفسير والتدبر .. بحيث التفسير محكور على العلماء المختصين في المجال ، ولا يحق لنا مساسه بدون علم .
أما التدبر ومحاولة المعرفة فهذه من حق الجميع 👍🏽
دائمًا لما تشدّك آية ، حاول تعرف وش السر اللي بداخلها .. وش الحكاية اللي الله يبغى يوصلها لك انت تحديدًا ♥️ ؟
بعدها روح اقرأ في التفاسير عن الآية 👌🏻 .
• من التفاسير السهلة :
- تفسير السعدي
- تفسير ابن كثير
- المختصر في التفسير
⚪️ تطبيق آية راح يساعدكم كثير 🖤👍🏽
بكذا أنا كتبت لكم القصة بالكامل ..
وكتبت لكم خلاصة التجربة بحب كبير
والله اني أكتب هذي التغريدة في نهاية السلسلة وعيني تدمع .. يارب اني نفعتكم ، ويارب الله يبلغكم الحفظ والقرب منه ومن القرآن 😢♥️
لا تنسوني من دعاكم