H.beez
من يومين جاتني مريضة في الطوارئ تشتكي من صعوبة في التنفس، و لمن جيت اشيك على علاماتها الحيوية: نسبة الاكسجين في الدم وصلت ٦٧٪ !!!!!
كانت بتنازع عشان تلقط نفسها و مفجوعة و تصرخ تبى اكسجين!! حاسة انها مكتومة!
يا اختي انتي مو بس مكتومة انتي وجهك ازرق!! (قلت بين نفسي دا الكلام) .. ناديت دكتور الطوارئ يجي عندي في قسم الامراض التنفسية بسرعة ويفحصها. قالي هادي عندها حاجة في صدرها حنكمل دكتور التخدير يحطها على انبوب تنفسي وبشكل عاجل!!
رحت جهزتها وحطيتها على السرير و طلبت مساعدة اي سينيور نيرس و الحمدلله رئيس تمريض الطوارئ بنفسه جا وساعدني .. حطينا لها مخدر عشان ترتاح وتهدى و دكتور التخدير حطها على جهاز التنفس، ارتفعت نسبة اكسجينها من ٧٠-٨٠٪ و سوينالها اشعه مقطعيه للصدر
صور الاشعة حقتها كانت مخيفة جداا!! -
للتوضيح الصورة من تحت لفوق و كلما طلعنا للصدر حتوضح نقاط بيضا وتكبر وكانها تجمعات بيضاء هادا معناه في شي.
وانا بتفحصها انتبهت انه اطراف اصابعها بدت تتغير لونها وتصير ازرق و هادا شي خطير، شيكت على الجهاز اشوف الاعدادات، محطوط انه بيعطي اكسجين ١٠٠٪ يعني اقصى شي وبرضو حالتها مو مستقرة لحد الان.
اوكييه جهزولها غرفة عزل في قسم العناية المركزة ، يلا طلعوها بسرعة! جرينا في الممر لين المصعد ومعايا دكتور الطوارى و اخصائي العلاج التنفسي بالاضافة للبورتر و دخلناها العناية الحمدلله
بعدها بيوم بتناقش مع الار تي وبقوله كيف صارت المريضة، حزنت مرره لمن عرفت انها اتوفت و غير كدا طلعت مصابة بفيروس كوفيد١٩ وشكلها مو عارفة! 💔
الموقف الي عشته دا حسيت قد ايش الموضوع خطير ومافيه مزحة لمن يصير في حظر تجول وتباعد اجتماعي بالاخص، ناهيك عن العادات اليومية السيئة مثل شرب الدخان لانه يسبب ضرر اكبر وقاتل
موقف واحد و اتاثرت نفسياً، على طول جا في بالي حال التمريض في ايطاليا والدول المتضررة اكتر شي
الثريد للتوعية فقط
خلوكم في البيت!! و ربي يرحمها ويصبر اهلها ويرحم جميع اموات المسلمين وتعدي الازمة على خير وباسرع وقت
من يومين جاتني مريضة في الطوارئ تشتكي من صعوبة في التنفس، و لمن جيت اشيك على علاماتها الحيوية: نسبة الاكسجين في الدم وصلت ٦٧٪ !!!!!
كانت بتنازع عشان تلقط نفسها و مفجوعة و تصرخ تبى اكسجين!! حاسة انها مكتومة!
يا اختي انتي مو بس مكتومة انتي وجهك ازرق!! (قلت بين نفسي دا الكلام) .. ناديت دكتور الطوارئ يجي عندي في قسم الامراض التنفسية بسرعة ويفحصها. قالي هادي عندها حاجة في صدرها حنكمل دكتور التخدير يحطها على انبوب تنفسي وبشكل عاجل!!
رحت جهزتها وحطيتها على السرير و طلبت مساعدة اي سينيور نيرس و الحمدلله رئيس تمريض الطوارئ بنفسه جا وساعدني .. حطينا لها مخدر عشان ترتاح وتهدى و دكتور التخدير حطها على جهاز التنفس، ارتفعت نسبة اكسجينها من ٧٠-٨٠٪ و سوينالها اشعه مقطعيه للصدر
صور الاشعة حقتها كانت مخيفة جداا!! -
للتوضيح الصورة من تحت لفوق و كلما طلعنا للصدر حتوضح نقاط بيضا وتكبر وكانها تجمعات بيضاء هادا معناه في شي.
موقف واحد و اتاثرت نفسياً، على طول جا في بالي حال التمريض في ايطاليا والدول المتضررة اكتر شي
الثريد للتوعية فقط