‏قائمة التدفقات النقدية ، كيف تقرأها ؟

 Accounting By Amr Bazan

جمل حديقة منزلك باستخدام هذه الاداة 😍😍

كيف تقرأ قائمه التدفقات النقديه بدون أرقام ؟!!!
فقط مع #ابسطهالك_مع_عمرو_بزان 💪

في الثريد التالي هشرح الموضوع
وفي نهاية الثريد فيه سؤال .. ولو عرفت تجاوب السؤال يبقى أنا نجحت في شرح الموضوع 💪

أيها المحاسب العظيم
أيها المحاسب الخطير
أيها المحاسب الرهيب

تعلا نشوف 🙂

يتبع 👇

1️⃣ تعرف ان صافي التدفق النقدي من الانشطه التشغيليه لو طلع بالموجب 💪 .. دا يديك مؤشر حضرتك ان الشركه قادره على توليد النقديه من نشاطها الرئيسي 💪 وقادره على سداد القروض وفوائدها للمقرضين وايضا قادره على سداد توزيعات الارياح للمستثمرين

يتبع 👇

2️⃣ طيب لو طلع صافي التدفق التشغيلي بالسالب 😬 معناها انك يا انشطه استثماريه موجب سندتك يا انشطه تمويله موجب دعمتك .. والدنيا كده مش تمام خالص سمو معاليك 😬

طيب تعرف لو صافي التدفق النقدي من الانشطه الاستثماريه طلع بالموجب 😬 ..

يتبع 👇

3️⃣ دا يديك مؤشر ان الشركه رايحه في ستين داهيه وعماله تبيع في اصولها والله بقى لو الانشطه التشغيليه كمان كانت بالسالب 😬 دنا كده عمال ابيع اصولي علشان اسدد الالتزامات من الانشطه التشغيليه اللي عليا 😲

يتبع 👇

4️⃣ طيب لو طلع صافي التدفق الاستثماري بالسالب 💪 .. وياسلام لو كان التشغيلي بالموجب 💪 .. تبقى شركه عماله تعمل توسعات في اصولها والتمويل جاي من الانشطه التشغيليه .. والدنيا شكلها هتلعب مع الشركه دي ياكبير 💪😃

يتبع 👇

5️⃣ طيب تعرف بقى معاليك ان صافي الانشطه التمويليه لو كان موجب او سالب دا ليه مؤشرات غريبه .. 🤔

يتبع 👇

6️⃣ فمثلا لو كان صافي التدفق من الانشطه التمويليه موجب .. دا يخليني اروح اشوف الفلوس اللي داخله دي ؟؟

هل هيا من زياده راس مال ولا زياده قروض !! .. طيب الفلوس اللي دخلت دي .. هل دخلت على انشطه استثماريه 💪 ولا انشطه تشغيليه 😲

يتبع 👇

7️⃣ ولو كان صافي التدفق من الانشطه التمويليه بالسالب .. دا يخليني اروح اشوف ايه سبب التخفيض .. ؟؟

يتبع 👇

8️⃣ هل الشركه قللت راس مالها !! ولا الشركه عماله تسدد القروض والالتزامات الطويله اللي عليها .. وياسلام بقى لو كانت الانشطه التشغيليه بالموجب 💪 والانشطه الاستثماريه بالسالب 💪 .. الشركه دي ياكبير ممكن تنفجر بسبب عنيكم دلوقتي من قوتها 😂

يتبع 👇

9️⃣ من الشرح السابق ..جاوب واكسب معانا ربع ريال😃

لو الشركه صافي التدفق النقدي من الانشطه التشغيليه بالسالب والانشطه التمويليه بالسالب والانشطه الاستثماريه بالموجب

دا يديلك مؤشر ان الشركه قويه ولا ضعيفه من قراءة صافي تدفقاتها النقديه؟

منتظر الإجابة 🙂

#ابسطهالك_مع_عمرو_بزان 💪